കടുവയുടെ വിജയത്തിനുശേഷം ഷാജി കൈലാസും പൃഥ്വിരാജും വീണ്ടും ഒന്നിക്കുന്ന കാപ്പ (Kaapa) ഒരുങ്ങുകയാണ്. ജൂലൈ 15ന് തിരുവനന്തപുരത്ത് ആരംഭിച്ച സിനിമയുടെ ചിത്രീകരണം 60 ദിവസത്തോളം നീളും. ഇപ്പോള്‍ പൃഥ്വിരാജിന്റെ ഭാഗങ്ങളുടെ ഷൂട്ടിംഗ് പുരോഗമിക്കുകയാണ്.
ലൊക്കേഷനില്‍ നിന്ന് അപ്‌ഡേറ്റ് നല്‍കി പൃഥ്വിരാജ്. താന്‍ അവതരിപ്പിക്കുന്ന മധു എന്ന കഥാപാത്രം കൊട്ട മധു ആകുന്നതിനു മുമ്പുള്ള ഭാഗങ്ങളാണ് ചിത്രീകരിക്കുന്നതെന്ന് നടന്‍ പറയുന്നു.
പൃഥ്വിരാജിന്റെ മാസ്സ് ലുക്കിലുള്ള പോസ്റ്റര്‍ അടുത്തിടെ ഷാജി കൈലാസ് പുറത്തിറക്കിയിരുന്നു.ആസിഫ് അലി, മഞ്ജു വാര്യര്‍, അന്ന ബെന്‍, ഇന്ദ്രന്‍സ്, നന്ദു തുടങ്ങി അറുപതോളം താരങ്ങള്‍ ചിത്രത്തിലുണ്ട്.
