കോഴിക്കോട് വടകരയില്‍ ഒരു പരിപാടി കഴിഞ്ഞ് മടങ്ങവേ തൃശ്ശൂരില്‍ വച്ചായിരുന്നു കൊല്ലം സുധി സഞ്ചരിച്ച കാര്‍ അപകടത്തില്‍ പെട്ടത്. എതിരെ വന്ന പിക്കപ്പ് വാനുമായി കാര്‍ കൂട്ടിയിരിക്കുകയായിരുന്നു. ഇന്ന് പുലര്‍ച്ചെ തൃശൂര്‍ കയ്പമംഗലം പനമ്പിക്കുന്നില്‍ വച്ചാണ് അപകടം നടന്നത്. ബിനു അടിമാലി, ഉല്ലാസ് അരൂര്‍, മഹേഷ് എന്നീ ടെലിവിഷന്‍ താരങ്ങള്‍ക്കും പരിക്കേറ്റു.
മിനിസ്‌ക്രീന്‍ പരിപാടികളിലൂടെ മലയാളികളെ ചിരിപ്പിച്ച നടനായിരുന്നു കൊല്ലം സുധി. 2015 പുറത്തിറങ്ങിയ കാന്താരി എന്ന ചിത്രത്തിലൂടെയാണ് സിനിമയില്‍ എത്തിയത്.കട്ടപ്പനയിലെ ഋത്വിക് റോഷന്‍, കുട്ടനാടന്‍ മാര്‍പാപ്പ, തീറ്റ റപ്പായി, വകതിരിവ്, ആന്‍ ഇന്റര്‍നാഷനല്‍ ലോക്കല്‍ സ്റ്റോറി, കേശു ഈ വീടിന്റെ നാഥന്‍, എസ്‌കേപ്പ്, സ്വര്‍ഗത്തിലെ കട്ടുറുമ്പ് തുടങ്ങിയ സിനിമകളില്‍ കൊല്ലം സുധി അഭിനയിച്ചിട്ടുണ്ട്.
