വിവാഹ ജീവിതത്തില്‍ തനിക്ക് വിശ്വാസമില്ലെന്ന് നടന്‍ കമല്‍ഹാസന്‍. ഒരു സ്വകാര്യ ചാനല്‍ ഷോയില്‍ സംസാരിക്കവെയാണ് ഇക്കാര്യം പറഞ്ഞത്. ഞാന്‍ കള്ളം പറയാറില്ല, ആദ്യവിവാഹ സമയത്ത് നേരിട്ടത് നിരവധി വെല്ലുവിളികളാണ്. ആ വിവാഹം എനിക്ക് വേണ്ടി ഒന്നും ചെയ്തില്ല. ആ ജീവിതം കഠിനമായിരുന്നു. ഞാന്‍ സന്തോഷവാനായിരിക്കാന്‍ ആഗ്രഹിച്ചു. എന്നാല്‍ വിവാഹത്തില്‍ ഇതോടെ വിശ്വാസം നഷ്ടപ്പെട്ടുതുടങ്ങിയെന്നും വിവാഹത്തിന്റെ ആദ്യദിവസം മുതല്‍ തന്നെ പ്രശ്‌നങ്ങള്‍ ഉണ്ടായെന്നും നടന്‍ പറഞ്ഞു.
