എസ് എസ് മ്യൂസിക് ചാനലിന് വേണ്ടി നടത്തിയ ഫോട്ടോഷൂട്ടാണ് ആരാധകരെ ഞെട്ടിച്ചിരിക്കുന്നത്. വര്‍ഷങ്ങള്‍ക്ക് മുന്‍പ് കണ്ട ബാലതാരമായ മോണിക്ക ഇത്രയും വളര്‍ന്ന് പോയെന്ന് വിശ്വസിക്കാനാവുന്നില്ലെന്ന് പലരും കമന്റുകളായി പറയുന്നു. കൈതി 2 ഇറങ്ങുമ്പോള്‍ ബാലതാരമായി ഇനി അഭിനയിക്കാനാവില്ല എന്നാണ് ചിത്രങ്ങള്‍ക്ക് കീഴില്‍ പലരും പറയുന്നത്. തമിഴിലെ അടുത്ത നായികയായി മോണിക്കയെ പരിഗണിക്കാമെന്ന് പറയുന്നവരും ഏറെയാണ്.
അതേസമയം ഏറെ പോസിറ്റീവായാണ് ഈ കമന്റുകളെ മോണിക്ക എടുത്തിരിക്കുന്നത്. കൈതി സിനിമയുമായി ബന്ധപ്പെട്ട ട്രോളും താരം തന്റെ ഇന്‍സ്റ്റഗ്രാമില്‍ പങ്കുവെച്ചിട്ടുണ്ട്. 2017ല്‍ ഭൈരവ എന്ന സിനിമയിലൂടെയാണ് മോണിക്ക ആദ്യമായി സ്‌ക്രീനിലെത്തിയത്. രാക്ഷസന്‍, കൈതി,വിക്രം, മലയാളത്തില്‍ മമ്മൂട്ടിയ്‌ക്കൊപ്പം പ്രീസ്റ്റ് എന്നീ സിനിമകളിലും മോണിക്ക അഭിനയിച്ചിട്ടുണ്ട്.
