ഉത്തരമില്ലാതെ ഒളിച്ചോടി, മുഖം നഷ്ടപ്പെട്ട് അമ്മ, പൃഥ്വിരാജിനെയും ടൊവിനോയെയും നേതൃത്വത്തിലേക്ക് കൊണ്ടുവരണമെന്ന് ആവശ്യം
ഹേമ കമ്മീഷന്‍ റിപ്പോര്‍ട്ട് ഹൈക്കോടതിയുടെ കൈവശമുള്ളതിനാല്‍ കോടതി കേസെടുക്കാന്‍ നിര്‍ദേശം നല്‍കിയാല്‍ ഉത്തരം നല്‍കേണ്ടിവരും എന്നതടക്കമുള്ള കാര്യങ്ങളാണ് അമ്മയിലെ കൂട്ടരാജിയ്ക്ക് കാരണമായത്. ഇതോടെ സമൂഹത്തിന് മുന്നില്‍ മുഖം നഷ്ടമായ നിലയിലാണ് അമ്മ സംഘടന. ഈ സാഹചര്യത്തില്‍ നേതൃത്വത്തിലേക്ക് യുവതാരങ്ങള്‍ വരണമെന്ന ആവശ്യമാണ് സംഘടനയ്ക്കുള്ളില്‍ തന്നെ ഉയരുന്നത്. പൃഥ്വിരാജ്, ടൊവിനോ മുതലായ യുവതാരങ്ങള്‍ക്ക് സംഘടന ചുമതല നല്‍കണമെന്നും സംഘടനയുടെ തലപ്പത്തേക്ക് സ്ത്രീകളും വരണമെന്ന ആവശ്യമാണ് സംഘടനയ്ക്കുള്ളില്‍ ഒരു വിഭാഗം ഉയര്‍ത്തുന്നത്.
