റിലീസ് ചെയ്‌ത ആദ്യ മാസത്തിൽ തന്നെ 9 കോടി കാണികളുമായി റെക്കോഡ് നേട്ടം സ്വന്തമാക്കി നെറ്റ്ഫ്ലിക്സിന്റെ എക്സ്ട്രാക്ഷൻ. സിനിമകളില്‍ സ്റ്റണ്ട്മാനായിരുന്ന സാം ഹാര്‍ഗ്രേവൊരുക്കിയ ചിത്രത്തിൽ അവഞ്ചേഴ്‌സിലെ തോര്‍ താരം ക്രിസ് ഹെംസ്‌വര്‍ത്താണ് നായകനായെത്തിയത്. ഇന്ത്യൻ പശ്ചാത്തലത്തിലൊരുക്കിയ ചിത്രത്തിൽ ക്രീസിനെ കൂടാതെ ബോളിവുഡ് നടന്‍ രണ്‍ദീപ് ഹൂഡയും സിനിമയില്‍ പ്രധാന വേഷത്തില്‍ അഭിനയിച്ചിട്ടുണ്ട്. റിലീസ് ചെയ്ത് വെറും നാലാഴ്ച്ച കൊണ്ടാണ് എക്സ്ട്രാക്ഷൻ 9 കോടി കാഴ്ച്ചക്കാരെ സ്വന്തമാക്കിയത്.
