തമിഴ്‌നാടിന്റെ സ്വന്തം തല അജിത്തിന്റെ 49മത് പിറന്നാൾ ദിനമാണിന്ന്.ലോകമെങ്ങുമുള്ള ആരാധകരും സൂപ്പർ താരങ്ങളും ഇന്ന് അജിത്തിന് പിറന്നാൾ ആശംസകൾ അറിയിച്ചുകൊണ്ട് രംഗത്തെത്തി. ഇതിനിടെ അജിത്ത് അഭിനയിച്ച മൾട്ടി‌സ്റ്റാർ ചിത്രമായ കണ്ടുകൊണ്ടേൻ കണ്ടുകൊണ്ടേൻ എന്ന ചിത്രത്തിന്റെ ചില കാര്യങ്ങൾ പുറത്തുവന്നിരിക്കുകയാണ്.
ചിത്രത്തിൽ മനോഹർ എന്ന കഥാപാത്രത്തിനായി ആദ്യം ഉദ്ദേശിച്ചത് നടൻ പ്രശാന്തിനെ ആയിരുന്നു. എന്നാൽ തബുവിന് പകരം ഐശ്വര്യയുടെ നായകനാവാനായിരുന്നു അദ്ദേഹത്തിന് താൽപര്യം. പിന്നീടാണ് അജിത്തിന്റെ പേര് വന്നത്, അന്ന് അദ്ദേഹം പരിക്കേറ്റ് ആശുപത്രിയിൽ കിടക്കുകയായിരുന്നു. അദ്ദേഹത്തെ ആശുപത്രിയിൽ പോയികണ്ടാണ് തിരക്കഥ വായിച്ചുകേൾപ്പിച്ചത്.അജിത്ത് ബെഡിൽ ഇരുന്ന് കഥ കേൾക്കുകയും സമ്മതം പറയുകയും ചെയ്‌തു.രാജീവ് മേനോൻ പറയുന്നു.
