15,000ന്റെ സാരി 19,00 രൂപയ്ക്ക് തരാം, ആര്യയുടെ കാഞ്ചീവരത്തിന്റെ പേരില്‍ സോഷ്യല്‍ മീഡിയയില്‍ തട്ടിപ്പ്, പിന്നില്‍ ഉത്തരേന്ത്യന്‍ സംഘം
നിരവധി പേര്‍ സമാനമായ തരത്തില്‍ ഇതേ തട്ടിപ്പില്‍ വീണതായാണ് വിവരം. താരത്തിന്റെ ബൂട്ടിക്കിന്റെ പേരില്‍ വ്യാജ ഇന്‍സ്റ്റഗ്രാം പ്രൊഫൈല്‍ ഉണ്ടാക്കിയാണ് തട്ടിപ്പ് നടത്തിയത്. ഇതിനായി കാഞ്ചിവരത്തിന്റെ ഒറിജിനല്‍ പേജില്‍ നിന്നുള്ള വീഡിയോകളും ചിത്രങ്ങളുമാണ് ഉപയോഗിച്ചിരുന്നത്. പണമയക്കാനായി തട്ടിപ്പുകാരുടെ നമ്പറാണ് നല്‍കിയിരുന്നത്. ഇതില്‍ ബന്ധപ്പെടുന്നവര്‍ക്ക് പണം അയക്കാനുള്ള ക്യൂ ആര്‍ കോഡ് നല്‍കും. പണം അക്കൗണ്ടിലെത്തുന്നതോടെ നമ്പര്‍ ബ്ലോക്ക് ചെയ്യുകയും ചെയ്യും ഇതായിരുന്നു തട്ടിപ്പിന്റെ രീതി.പണം നല്‍കി ദിവസങ്ങള്‍ കഴിഞ്ഞും വസ്ത്രങ്ങള്‍ ലഭിക്കാതെ വന്നതോടെയാണ് തട്ടിപ്പ് മനസിലാകുന്നത്. സംഘത്തിന് പിന്നില്‍ ബിഹാറില്‍ നിന്നുള്ളവരാണെന്നാണ് പോലീസ് സംശയിക്കുന്നത്.
