വിഷുദിനത്തിലെത്തിയ സെക്കന്‍ഡ് ലുക്ക് പോസ്റ്റര്‍, അപര്‍ണ ദാസിനൊപ്പം ഷറഫുദ്ദീന്‍,'പ്രിയന്‍ ഓട്ടത്തിലാണ്' ഫീല്‍ ഗുഡ് എന്റര്‍ടെയ്നര്‍
ഫീല്‍ ഗുഡ് ഫാമിലി എന്റര്‍ടെയ്നറാണ് ഈ ചിത്രം. പ്രിയന്‍ എന്ന കഥാപാത്രത്തെയാണ് ഷറഫുദ്ദീന്‍ അവതരിപ്പിക്കുന്നത്. ഹോമിയോപ്പതിയും ബ്ലോഗിംഗ് ഉള്‍പ്പെടെ പല പരിപാടികളും പ്രിയന്റെ കൈയ്യിലുണ്ട്. ഒരു പ്രത്യേക സാഹചര്യത്തില്‍ ഷറഫുദ്ദീനിന്റെ കഥാപാത്രവുമായി കണ്ടുമുട്ടുന്ന ഓണ്‍ലൈന്‍ സുഹൃത്തായാണ് അനാര്‍ക്കലി വേഷമിടുന്നത്.
അനാര്‍ക്കലി മരിക്കാര്‍, ബിജു സോപാനം, ജാഫര്‍ ഇടുക്കി, ഹരിശ്രീ അശോകന്‍, അശോകന്‍, സ്ഫടികം ജോര്‍ജ്, ഉമ കെ പി എന്നിവരാണ് പ്രധാന കഥാപാത്രങ്ങളെ അവതരിപ്പിക്കുന്നത്. പി എം ഉണ്ണികൃഷ്ണന്‍ ഛായാഗ്രഹണവും ജോയല്‍ കവി എഡിറ്റിംഗും നിര്‍വഹിക്കുന്നു. ലിജിന്‍ സംഗീതമൊരുക്കുന്നു.
