ദുല്‍ക്കര്‍ സല്‍മാനെ നായകനാക്കിയാണ് അന്‍‌വര്‍ റഷീദ് അടുത്ത സിനിമ സംവിധാനം ചെയ്യുന്നത്. മഞ്ജു വാര്യര്‍ നായികയാകുമെന്നാണ് റിപ്പോര്‍ട്ടുകള്‍. അങ്ങനെയെങ്കില്‍, മമ്മൂട്ടിക്ക് പിന്നാലെ ദൂല്‍ക്കറിന്‍റെയും നായികയായി മഞ്ജു ഈ സിനിമയോടെ മാറും.
ഐശ്വര്യ ലക്‍ഷ്‌മിയെയും ഈ സിനിമയില്‍ നായികയായി പരിഗണിക്കുന്നുണ്ട്. എന്നാല്‍ മഞ്‌ജുവോ ഐശ്വര്യയോ എന്ന കാര്യത്തില്‍ അന്തിമ തീരുമാനമായിട്ടില്ല. നേരത്തേ, ദുല്‍ക്കറിനെ നായകനാക്കി അന്‍‌വര്‍ സംവിധാനം ചെയ്‌ത ഉസ്‌താദ് ഹോട്ടല്‍ മികച്ച വിജയം കൈവരിച്ചിരുന്നു. ദുല്‍ക്കറിന്‍റെ ബാംഗ്ലൂര്‍ ഡെയ്‌സ് നിര്‍മ്മിച്ചതും അന്‍‌വറായിരുന്നു.
