തിരുവനന്തപുരം കനകക്കുന്ന് നിശാഗന്ധി തിയറ്ററില്‍ ആയിരുന്നു ഗോപി സുന്ദറിന്റെ ലൈവ് ഷോ. ഈ ഷോയില്‍ അമൃത സുരേഷും പാടാന്‍ എത്തിയിരുന്നു. അമൃതയും ഗോപി സുന്ദറും ഒന്നിച്ചുള്ള പ്രകടനമാണ് ഇപ്പോള്‍ ആരാധകര്‍ ഏറ്റെടുത്തിരിക്കുന്നത്. ബാംഗ്ലൂര്‍ ഡേയ്‌സിലെ 'മാംഗല്യം തന്തുനാനേന' എന്ന പാട്ട് ഇരുവരും ഒന്നിച്ച് ആലപിക്കുന്നത് പ്രേക്ഷകരെ ഇളക്കി മറിക്കുന്നുണ്ട്. ഇരുവരും വേദിയില്‍ തിമിര്‍ത്താടുകയാണ്. പാട്ടിന്റെ അവസാനത്തില്‍ അമൃതയ്ക്ക് ഗോപി സുന്ദര്‍ ഒരു റോസാപ്പൂ നല്‍കുന്നതും കാണാം.
