1995 ല്‍ പുറത്തിറങ്ങിയ കഥാപുരുഷനിലൂടെയാണ് ബാലതാരമായി അഭിരാമി സിനിമയിലെത്തുന്നത്. പിന്നീട് പത്രത്തില്‍ ശ്രദ്ധേയമായ കഥാപാത്രത്തെ അവതരിപ്പിച്ചു. 1999 ല്‍ ജയറാമിന്റെ നായികയായി ഞങ്ങള്‍ സന്തുഷ്ടരാണ് എന്ന സിനിമയില്‍ അഭിനയിച്ചു. ഈ സിനിമയിലെ പ്രകടനത്തിലൂടെ അഭിരാമി കൂടുതല്‍ ശ്രദ്ധിക്കപ്പെട്ടു. പിന്നീട് മോഹന്‍ലാലിനൊപ്പം ശ്രദ്ധയിലും ജയറാം, സുരേഷ് ഗോപി, ബിജു മേനോന്‍ എന്നിവര്‍ പ്രധാന വേഷങ്ങളിലെത്തിയ മില്ലേനിയം സ്റ്റാര്‍സിലും അഭിനയിച്ചു. കമല്‍ഹാസന്റെ നായികയായും അഭിരാമി അഭിനയിച്ചിട്ടുണ്ട്.
