നടന്‍ ജയം രവിയും ആര്‍തിയും വിവാഹമോചിതരായി. ജയം രവി തന്നെയാണ് ഇക്കാര്യം തന്റെ ഔദ്യോഗിക ട്വിറ്റര്‍ അക്കൗണ്ടിലൂടെ അറിയിച്ചത്. 2009ലായിരുന്നു ഇരുവരുടെയും വിവാഹം. 15 വര്‍ഷത്തെ ഒരുമിച്ചുള്ള ജീവിതത്തിന് അവസാനം ഇടുകയാണിപ്പോള്‍. ഇരുവര്‍ക്കും രണ്ട് ആണ്‍മക്കളാണുള്ളത്. ഇത് പെട്ടെന്ന് എടുത്ത തീരുമാനം അല്ലെന്നും ഒരുപാട് ആലോചിച്ചതിനുശേഷമാണ് ഇത്തരം ഒരു തീരുമാനമെടുത്തതെന്നും ജയം രവി കുറിച്ചു. എല്ലാവരുടെയും നല്ലതിന് വേണ്ടിയാണ് ഇതൊന്നും വ്യക്തിപരമായ കാര്യങ്ങളാണ് ഇതിന് പിന്നിലെന്നും കുറിപ്പില്‍ പറയുന്നു.
ഈ ബുദ്ധിമുട്ടേറിയ സമയത്ത് ഞങ്ങളുടെയും കുടുംബാംഗങ്ങളുടെയും സ്വകാര്യതയെ മാനിക്കണമെന്ന് അഭ്യര്‍ത്ഥിക്കുന്നതായും നടന്‍ പറയുന്നു. ഇത് സംബന്ധിച്ച് സൂചനകള്‍ ഒരു വര്‍ഷമായി ചലച്ചിത്ര പ്രേമികള്‍ക്ക് ലഭിക്കുന്നുണ്ട്. ആര്‍തി ജയം രവിയോടൊപ്പമുള്ള ചിത്രങ്ങള്‍ എല്ലാം ഇന്‍സ്റ്റഗ്രാമില്‍ നിന്ന് നീക്കം ചെയ്തതോടെയാണ് സംശയങ്ങള്‍ ബലപ്പെട്ട് തുടങ്ങിയത്.