വലിയ കൊള്ളക്കാരെയും കൊലപാതകികളെയും പിടികൂടിയ ചരിത്രമുണ്ട് മമ്മൂട്ടിക്ക്. സേതുരാമയ്യര്‍ എന്ന കഥാപാത്രം കൊലയാളികളുടെ പേടിസ്വപ്നമാണ്. ബല്‍‌റാമാകട്ടെ അക്രമികളുടെ എക്കാലത്തെയും ശത്രു. ജോസഫ് അലക്സ് അഴിമതിക്കും അക്രമത്തിനുമെതിരെ പടവാളുയര്‍ത്തിയവന്‍. എങ്ങനെ എത്രയെത്ര കഥാപാത്രങ്ങള്‍. നീതിക്കുവേണ്ടി ശബ്ദിക്കുന്നവര്‍. കുറ്റാന്വേഷകനായി മമ്മൂട്ടിയോളം തിളങ്ങാന്‍ മലയാളത്തില്‍ ആരുണ്ട് വേറെ? !
‘സെവന്‍‌ത് ഡേ’ എന്ന മെഗാഹിറ്റ് ത്രില്ലര്‍ സിനിമയുടെ തിരക്കഥാകൃത്ത് അഖില്‍ പോളും നവാഗതനായ അനസ് ഖാനും ചേര്‍ന്നാണ് ഇനിയും പേര് നിശ്ചയിച്ചിട്ടില്ലാത്ത ഈ സിനിമ സംവിധാനം ചെയ്യുന്നത്. നിര്‍മ്മിക്കുന്നതാകട്ടെ, സി ബി ഐ സിനിമകളുടെ സംവിധായകന്‍ സാക്ഷാല്‍ കെ മധു.
