വെയിൽ സിനിമയുമായി ബന്ധപ്പെട്ട വിഷയത്തിൽ ഷെയിൻ നിഗവുമായി ഉടക്കി നിൽക്കുന്ന നിർമാതാക്കളുമായി താരസംഘടന അമ്മ നടത്തിയ ചർച്ച പരാജയം. ഇടയ്ക്ക് വെച്ച് മുടങ്ങിപ്പോയ ഖുർബാനി, വെയിൽ എന്നീ സിനിമകളുടെ നഷ്ടപരിഹാരമായി നിർമാതാക്കൾ ആവശ്യപ്പെട്ട 1 കോടി രൂപ നൽകാൻ അമ്മ വിസമ്മതിച്ചതോടെയാണ് ചർച്ച തീരുമാനമാകാതെ പിരിഞ്ഞത്.
‘എത്രയോ സിനിമകൾ മുടങ്ങിപ്പോകുന്നു. ഷെയിനോട് മാത്രമെന്താണ് ഇങ്ങനെ?‘ ഷെയ്ന്‍ ഡബ്ബിംഗ് പൂര്‍ത്തിയാക്കിയതിന് ശേഷം പ്രശ്നങ്ങള്‍ പരിഹരിക്കാമെന്ന് നിര്‍മ്മാതാക്കള്‍ വാക്ക് നല്‍കിയിരുന്നു. അതിന്റെ വെളിച്ചത്തിലാണ് ഉല്ലാസം സിനിമയുടെ ഡബ്ബിംഗ് പൂര്‍ത്തിയാക്കാന്‍ ആവശ്യപ്പെട്ടത്. ഷെയ്ന്‍ ഡബ്ബ് ചെയ്യുകയും ചെയ്തു. എന്നാല്‍ ഒരു കോടി രൂപ നല്‍കണമെന്നാണ് ഇപ്പോള്‍ ആവശ്യപ്പെട്ടിരിക്കുന്നത്. ഇത് എവിടുത്തെ ന്യായമാണ്?’- ഭാരവാഹികൾ ചോദിക്കുന്നു.
