രജനികാന്തിന്‍റെ കബാലിയുടെ ഹിന്ദി, തെലുങ്ക് പതിപ്പുകള്‍ വിതരണക്കാര്‍ക്ക് കനത്ത നഷ്ടം വരുത്തിവച്ചതായി റിപ്പോര്‍ട്ടുകള്‍. ചിത്രം 35 കോടി മുതല്‍ മുടക്കിയാണ് ഹിന്ദിയില്‍ വിതരണാവകാശം ഒരു കമ്പനി സ്വന്തമാക്കിയത്. ആദ്യ ദിവസം അഞ്ചുകോടി രൂപ കളക്ഷന്‍ നേടി. എന്നാല്‍ പിന്നീട് ചിത്രത്തിന് അഭിപ്രായം മോശമായപ്പോള്‍ തിയേറ്ററുകളില്‍ ആളുകള്‍ കയറാതായി. ഫലം, ഹിന്ദി വിതരണക്കാരന് കോടികളുടെ നഷ്ടം.
ഇതുവരെ കേരളത്തില്‍ കബാലി നേടിയത് 16 കോടി രൂപയാണ്. മോഹന്‍ലാലിന് കോടികളുടെ ലാഭം. എന്തായാലും തെലുങ്ക്, ഹിന്ദി വിതരണക്കാരുടെ നഷ്ടം നിര്‍മ്മാതാവ് കലൈപ്പുലി എസ് താണു നികത്തുമെന്ന് പ്രതീക്ഷിക്കാം. പാ രഞ്ജിത് സംവിധാനം ചെയ്ത കബാലി ലോകമെമ്പാടുമായി 700 കോടിയിലധികം കളക്ഷന്‍ നേടിയെന്നാണ് നിര്‍മ്മാതാവിന്‍റെ അവകാശവാദം.
