ദീപാവലി റിലീസാണ് ഷങ്കര്‍ - രജനികാന്ത് ടീമിന്‍റെ ബ്രഹ്മാണ്ഡചിത്രം 2.0 എന്ന് എല്ലാവര്‍ക്കും അറിയും. എന്തിരന്‍റെ രണ്ടാം ഭാഗമായ ഈ സിനിമ ഇപ്പോള്‍ തന്നെ 110 കോടി രൂപ നേടിക്കഴിഞ്ഞു എന്നറിയുമ്പോഴോ? അതേ, സത്യമാണത്.
ഈ സിനിമയുടെ സാറ്റലൈറ്റ് അവകാശം സീ ടിവിക്ക് 110 കോടി രൂപയ്ക്കാണ് വിറ്റിരിക്കുന്നത്. ചിത്രത്തിന്‍റെ തമിഴ്, തെലുങ്ക്, ഹിന്ദി പതിപ്പുകളുടെ സാറ്റലൈറ്റ് അവകാശം 15 വര്‍ഷത്തേക്കാണ് സീ ടിവിക്ക് നല്‍കിയത്. ഇത് ഒരു ഇന്ത്യന്‍ സിനിമയ്ക്ക് ലഭിക്കുന്ന ഏറ്റവും ഉയര്‍ന്ന സാറ്റലൈറ്റ് തുകയാണ്.
ലൈക പ്രൊഡക്ഷന്‍സാണ് 450 കോടി രൂപ ചെലവില്‍ 2.0 നിര്‍മ്മിക്കുന്നത്. രജനികാന്തിനെ കൂടാതെ അക്ഷയ്കുമാര്‍, എമി ജാക്സണ്‍, സുധാംശു പാണ്ഡെ, കലാഭവന്‍ ഷാജോണ്‍, ആ‍ദില്‍ ഹുസൈന്‍, റിയാസ് ഖാന്‍ തുടങ്ങിയവരും 2.0ല്‍ താരങ്ങളാണ്.
