മലയാളത്തിലെ യുവ സംവിധായകൻ ബേസിൽ ജോസഫ് വിവാഹിതനാകുന്നു. കോട്ടയം പുതുപ്പള്ളി ചിറപ്പുറത്ത് സാമുവൽ–സാറാമ്മ ദമ്പതികളുടെ മകളായ എലിസബത്താണ് വയനാട്ടുകാരനായ ബേസിലിന്റെ ജീവിതസഖിയാകുന്നത്. ആഗസ്റ്റ് 17ന് സുൽത്താൻ ബത്തേരി സെന്റ് മേരീസ്ചെറിയ പള്ളിയില്‍ വെച്ചാണ് വിവാഹം നടക്കുക.
കുഞ്ഞിരാമായണം, ഗോദ എന്നീ സിനിമകളിലൂടെ പ്രേക്ഷകരെ കീഴടക്കിയ യുവ സംവിധായകനാണ് ബേസിൽ ജോസഫ്. തിരുവനന്തപുരത്ത് ഇലക്ട്രിക്കൽ എൻജിനീയറിങ് കോളേജില്‍ നിന്ന് പഠനം പൂര്‍ത്തിയാക്കിയ എലിസബത്ത് നിലവിൽ ചെന്നൈയിൽ ചേരിനിവാസികൾക്കിടയിൽ സാമൂഹികസേവനം നടത്തിവരുകയാണ്.
