മോഹന്‍ലാല്‍ നിരാശനാണ്. സമീപകാലത്ത് തന്‍റേതായി പുറത്തിറങ്ങിയ സിനിമകള്‍ കാഴ്ചവച്ച മോശം പ്രകടനമാണ് മെഗാതാരത്തെ അസ്വസ്ഥനാക്കുന്നത്. വലിയ പ്രതീക്ഷയോടെ എത്തിയ സിനിമകള്‍ക്ക് പ്രേക്ഷകര്‍ മോശം സ്വീകരണമാണ് നല്‍കിയത്. ഉള്ളടക്കത്തിന്‍റെ പാളിച്ചയാണ് തന്‍റെ സിനിമകള്‍ക്ക് വിനയാകുന്നതെന്ന് തിരിച്ചറിഞ്ഞ മോഹന്‍ലാല്‍ ചില ഉറച്ച തീരുമാനങ്ങള്‍ കൈക്കൊണ്ടിരിക്കുകയാണ്.
വിഷു, ഓണം, ക്രിസ്മസ് എന്നീ കാലങ്ങളില്‍ നല്ല കഥകളുമായി എത്തുന്ന സിനിമകള്‍ക്കാണ് മോഹന്‍ലാല്‍ ശ്രമിക്കുന്നത്. അതായത്, ദൃശ്യം പോലെ അത്ഭുതം സൃഷ്ടിക്കാവുന്ന തിരക്കഥകള്‍ക്ക് മാത്രമേ മോഹന്‍ലാല്‍ യെസ് മൂളുകയുള്ളൂ.
ദൃശ്യത്തിന് ശേഷം മോഹന്‍ലാലിന്‍റേതായി പ്രദര്‍ശനത്തിനെത്തിയ മിസ്റ്റര്‍ ഫ്രോഡ്, കൂതറ, പെരുച്ചാഴി എന്നീ സിനിമകള്‍ പ്രേക്ഷകര്‍ നിഷ്കരുണം തള്ളിക്കളഞ്ഞിരുന്നു.
