മമ്മൂട്ടിയുടെ ആക്ഷന്‍ ചിത്രങ്ങള്‍ പ്രേക്ഷകര്‍ക്ക് എന്നും പ്രിയപ്പെട്ടതാണ്. മമ്മൂട്ടി നായകനാകുന്ന, തകര്‍പ്പന്‍ സ്റ്റണ്ടും കിടിലന്‍ ഡയലോഗുകളുമുള്ള മാസ് എന്‍റര്‍ടെയ്നറുകള്‍ എക്കാലവും മെഗാഹിറ്റുകള്‍ ആയിട്ടുമുണ്ട്. രണ്‍ജി പണിക്കരാണ് അത്തരം സിനിമകള്‍ക്ക് പിന്നിലെങ്കില്‍ ശൌര്യം പിന്നെയും കൂടുന്നു. കിംഗും ദുബായിയും രൌദ്രവുമെല്ലാം ആ തീച്ചൂട് അനുഭവിപ്പിച്ച സിനിമകളാണ്. അത്തരമൊരു സിനിമ അണിയറയില്‍ ഒരുങ്ങുന്നു എന്നാണ് വിവരം.
കുടുംബ പശ്ചാത്തലത്തിലുള്ള ഒരു ആക്ഷന്‍ ത്രില്ലറായിരിക്കും കോട്ടയം കുഞ്ഞച്ചന് 2. മമ്മൂട്ടിയുടെ അച്ചായന്‍ വേഷങ്ങളില്‍ ഏറ്റവും തലപ്പൊക്കമുള്ള അച്ചായനെ വീണ്ടും അവതരിപ്പിക്കുമ്പോള്‍ രണ്‍ജി പണിക്കരുടെ തീ പാറുന്ന ഡയലോഗുകള്‍ സിനിമയുടെ മൂര്‍ച്ച കൂട്ടും. മാത്രമല്ല, ആദ്യഭാഗത്തില്‍ നിന്ന് വ്യത്യസ്തമായി മമ്മൂട്ടി തോക്കെടുത്തുള്ള ചില ആക്ഷന്‍ സീക്വന്‍സുകള്‍ ഈ സിനിമയിലുണ്ടാകുമെന്നും കേള്‍ക്കുന്നു.
