സത്യന്‍ അന്തിക്കാട് സംവിധാനം ചെയ്യുന്ന പുതിയ ചിത്രത്തില്‍ മമ്മൂട്ടി നായകനാകുന്നു എന്ന് കുറച്ചുനാള്‍ മുമ്പ് വാര്‍ത്ത പ്രചരിച്ചിരുന്നു. ആ ചിത്രം എഴുതുന്നത് ശ്രീനിവാസനാണെന്നും ‘ഗോളാന്തരവാര്‍ത്ത’ പോലെ ഒരു ആക്ഷേപഹാസ്യ സിനിമയ്ക്കായാണ് ഈ കൂട്ടുകെട്ട് വീണ്ടും വരുന്നതെന്നും റിപ്പോര്‍ട്ടുകളില്‍ ഉണ്ടായിരുന്നു.
എന്നാല്‍ പുതിയ വിവരം, സത്യന്‍ അന്തിക്കാടിന്‍റെ അടുത്ത ചിത്രത്തില്‍ ദുല്‍ക്കര്‍ സല്‍മാന്‍ നായകനാകുന്നു. ഇക്ബാല്‍ കുറ്റിപ്പുറമാണ് ചിത്രത്തിന് തിരക്കഥ രചിക്കുന്നത്. പൂര്‍ണമായും സത്യന്‍ അന്തിക്കാട് ശൈലിയിലുള്ള ഒരു ഫാമിലി എന്‍റര്‍ടെയ്നറായിരിക്കും ചിത്രം.
