എത്തുന്നു പ്രണവ് മോഹന്‍ലാല്‍; തിരിച്ചുവരവ് മണിരത്നം ചിത്രത്തിലൂടെ
ചൊവ്വ, 1 ഒക്‌ടോബര്‍ 2013 (11:33 IST)
PRO
PRO
മലയാളത്തിന്റെ മഹാനടന്‍ മോഹന്‍ലാലിന്റെ പ്രിയപുത്രനും സിനിമ തട്ടകമാക്കാനൊരുങ്ങുന്നു. അതെ പ്രണവ് മോഹന്‍ലാല്‍ തിരിച്ചുവരികയാണ്. മണിരത്നം സിനിമയിലൂടെ. ഒരു വലിയ ലോഞ്ചിംഗിലൂടെയാണ് പ്രണവിന്റെ വരവ്. ഒന്നാമന്‍ എന്ന ചിത്രത്തില്‍ മോഹന്‍ലാലിന്റെ കുട്ടിക്കാലം അഭിനയിച്ചാണ് പ്രണവ് ഹരിശ്രീ കുറിച്ചത്. അതിന് ശേഷം മേജര്‍ രവിയും അമനക്കരയും ഒന്നിച്ച് സംവിധാനം ചെയ്ത പുനര്‍ജനി എന്ന ചിത്രത്തിലും ബാലതാരമായി പ്രണവെത്തി. ഇതിലൂടെ മികച്ച ബാലനടനുള്ള സംസ്ഥാന അവാര്‍ഡും പ്രണവിനെ തേടിയെത്തി.
പിന്നീട് കാലങ്ങള്‍ക്കുശേഷം സാഗര്‍ ഏലിയാസ് ജാക്കിയില്‍ ഒരു സീനില്‍ മാത്രം പ്രണവ് പ്രത്യക്ഷപ്പെട്ടു. അതോടെ പ്രണവിന്റെ വരവ് സംബന്ധിച്ച് അഭ്യൂഹം ശക്തിപ്പെട്ടിരുന്നു. എന്നാല്‍ വാര്‍ത്തകളില്‍നിന്നെല്ലാം പ്രണവ് ഒഴിഞ്ഞുമാറി കൊണ്ടിരിയ്ക്കുന്നു.
അടുത്ത പേജില്‍: യാത്രകളെ ഇഷ്ടപ്പെടുന്ന പ്രണവ്
PRO
PRO
യാത്രകളെ ഇഷ്ടപ്പെടുന്ന മകന്‍ ഹിമാലയ യാത്ര നടത്തുന്നതും തന്റേതായ ഒരു ഇടം തീര്‍ക്കുന്നതും മോഹന്‍ലാല്‍ എന്ന പിതാവിനും വിസ്മയമാണെന്ന് അദ്ദേഹം തന്നെ ഒരു യാത്രാ വിവരണത്തില്‍ വ്യക്തമാക്കിയിരുന്നു. ഇഷ്ടമാണെങ്കില്‍ സിനിമയില്‍ വരട്ടെയെന്നാ‍യിരുന്നു മോഹന്‍ലാലിന്റെ നിലപാട്.
കടല്‍ എന്ന ചിത്രത്തിലൂടെ പഴയകാല നടന്‍ കാര്‍ത്തികിന്റെയും നടി രാധയുടെ മകള്‍ തുളസിയെയും ചലച്ചിത്രരംഗത്തേയ്ക്ക് കൊണ്ടുവന്നത് മണിരത്‌നമായിരുന്നു. എന്നാല്‍ ചിത്രം വേണ്ടത്ര ശ്രദ്ധിക്കപ്പെട്ടില്ല. ഇതിനു പിന്നാലെയാണ് പ്രണവ് നായകനായ ചിത്രത്തെക്കുറിച്ചുള്ള വാര്‍ത്തകള്‍ പുറത്തുവന്നത്. എന്നാല്‍ ഇത് സംബന്ധിച്ച് ഔദ്യോഗിക സ്ഥിരീകരണം ഉണ്ടായിട്ടില്ല.
