ബാഹുബലി മെഗാഹിറ്റ് ആയതോടെ ചിത്രത്തിൽ ദേവസേനയായി എത്തിയ അനുഷ്ക ഷെട്ടിയ്ക്ക് ആരാധകരും വർധിച്ചു. ബോളിവുഡിൽ നിന്നും താരത്തിന് നിരവധി ഓഫറുകൾ ആണ് ലഭിച്ചത്. ബാഹുബലി 2 വിന് ശേഷം അനുഷ്ക നായികയാകുന്ന പുതിയ ചിത്രം ഭാഗ്മതിയാണ്. ഉണ്ണി മുകുന്ദൻ ആണ് ചിത്രത്തിൽ അനുഷ്കയുടെ നായകനായി എത്തുന്നത്.
സിനിമയിൽ തന്റെ ഷൂട്ടിങ് പൂർത്തിയായത് ഫെയ്സ്ബുക്കിലൂടെ ആരാധകരോട് ഉണ്ണി പങ്കുവച്ചിരുന്നു. അനുഷ്കയുമൊത്തുള്ള ചിത്രീകരണാനുഭവത്തെക്കുറിച്ചും ഉണ്ണി ഫേസ്ബുക്കിലൂടെ പറയുകയുണ്ടായി. ഇപ്പോഴിതാ ഉണ്ണിയെ പുകഴ്ത്തി അനുഷ്കയും രംഗത്തെത്തിയിരിക്കുകയാണ്.
നല്ലൊരു സഹതാരമായി നിന്നതിൽ ഒരുപാടി നന്ദിയുണ്ടെന്ന് അനുഷ്ക പറഞ്ഞു. നടനെന്ന നിലയിലും മനുഷ്യനെന്ന നിലയിലും നിങ്ങളിലുള്ള ഗുണങ്ങൾ ഒരുപാട് വ്യത്യാസമാണ്. അത് നിങ്ങളെ എപ്പോഴും എടുത്തു നിർത്തും. കരിയറില്‍ എല്ലാ വിജയങ്ങളും നേരുന്നുവെന്നും കൂടുതല്‍ സിനിമകള്‍ ഒരുമിച്ച് ചെയ്യാന്‍ ആഗ്രഹമുണ്ടെന്നും അനുഷ്ക വ്യക്തമാക്കി.