തെന്നിന്ത്യയില്‍ നിന്നും ബോളീവുഡിലേക്ക്‌ ചേക്കേറിയ ഒടുവിലത്തെ സുന്ദരിയാണ്‌ ഗെനീലിയ ഡി സൂസ എന്ന ഹരിണി. ഷങ്കറിന്‍റെ ‘ബോയ്‌സി’ലൂടെ അവതരിച്ച സുന്ദരി അയലത്തെ പെണ്‍കുട്ടിയുടെ ഇമേജുമായിട്ടാണ്‌ ബോളിവുഡിലേക്ക്‌ ചേക്കേറുന്നത്‌. ‘സന്തോഷ്‌ സണ്‍ ഓഫ്‌ സുബ്രഹ്മണ്യം’ എന്ന ചിത്രത്തിലൂടെ തെന്നിന്ത്യയുടെ മനം കവര്‍ന്ന ഗെനീലിയ ആമീര്‍ഖാന്‍റെ ‘ജാനേ തു യാ ജാനേ നാ’യില്‍ ഇന്ത്യന്‍ യുവജനങ്ങളുടെ ഹരമായി പടരുകയാണ്‌. ബോളിവുഡിലെ അരങ്ങേറ്റത്തെ കുറിച്ചു സുന്ദരിയോട്‌ ചോദിക്കാം
? ബോളിവുഡിലെ ഏറ്റവും വലിയ താരത്തിന്‍റെ ചിത്രത്തിലൂടെയാണ്‌ അരങ്ങേറ്റം എന്തു തോന്നുന്നു ആമീറിനും ഇമ്രാനും ഒപ്പമുള്ള അരങ്ങേറ്റത്തേ കുറിച്ച്‌
ഏനിക്ക്‌ സിനിമയില്‍ ലഭിച്ച ഏറ്റവും വലിയ അവസരമായി ഞാന്‍ ഇതിനെ കാണുന്നു. ആമീര്‍ എനിക്ക്‌ ആത്മവിശ്വാസം പകര്‍ന്നു. അദ്ദേഹം എന്നില്‍ വിശ്വസിക്കുന്നത്‌ കണ്ടപ്പോഴാണ്‌ എനിക്കും എന്നില്‍ വിശ്വാസം വന്നത്‌. സിനിമയുടെ സെറ്റ്‌ വളരെ രസകരമായിരുന്നു. വളരെ സന്തോഷമായിട്ടാണ്‌ ഓരോ ദിവസവും പിന്നിട്ടത്‌.
? എങ്ങനെയാണ്‌ ഈ സിനിമയിലേക്ക്‌ ക്ഷണിക്കപ്പെട്ടത്‌
ഒന്നരവര്‍ഷം മുമ്പ്‌ അബ്ബാസ്‌ ടെറെവാലയുടെ ഒരു ചിത്രത്തിനായി ഞാന്‍ ഓഡീഷനില്‍ പങ്കെടുത്തിരുന്നു. തെന്നിന്ത്യയില്‍ ചിത്രങ്ങള്‍ തുടര്‍ച്ചയായി ചെയ്‌തു വരികയായിരുന്നു, അപ്പോഴാണ്‌ ആമീര്‍ ഖാന്‍ പ്രൊഡക്ഷന്‍സില്‍ നിന്നും ഒരു വിളി വന്നത്‌. ഞാന്‍ അവിടെ എത്തിയപ്പോഴാണ്‌ മനസിലായത്‌ ഞാന്‍ ആദ്യം ഓഡിഷന്‌ വന്ന ചിത്രം തന്നെയായിരുന്നു അതെന്ന്‌. പിന്നെ സംഭവിച്ചത്‌ ഞാന്‍ സിനിമയില്‍ അഭിനയിക്കുന്നതാണ്‌.
? സിനിമയിലെ അഥിതിയും ജീവിതത്തിലെ ഗെനീലിയയും തമ്മില്‍ എന്താണ്‌ സാദൃശ്യം.
PRO
PRO
ഞാന്‍ ഏറെ കുറേ അഥിതിയെ പോലെ തന്നെയാണ്‌. സുഹൃത്തുക്കളോട്‌ വളരെ ആത്മാര്‍ത്ഥമായ ബന്ധമാണ്‌ എനിക്കുള്ളത്‌. അവരുടെ ആവശ്യങ്ങള്‍ക്ക്‌ ഞാന്‍ എപ്പോഴും ഉണ്ടാകും. കോളേജ്‌ കാലഘട്ടത്തില്‍ ഞാന്‍ മറ്റൊരു അഥിതി ആയിരുന്നു എന്നും പറയാം. അവളെ പോലെ തന്നെ ഹൃദയത്തിലുള്ളത്‌ തുറന്ന്‌ പറയാന്‍ എനിക്ക്‌ എല്ലായിപ്പോഴും പറ്റിയിട്ടില്ല.
? ബോളിവുഡിലെ കൂട്ടുകാരെ കുറിച്ച്‌
ഞാന്‍ ഇവിടെ തുടക്കകാരിയല്ലേ, കുറച്ച്‌ സുഹൃത്തുക്കളേ എനിക്ക്‌ ഇപ്പോഴുള്ളു. ‘ജാനേ തു..’വിലെ സെറ്റിലെ എല്ലാവരും എന്‍റെ സുഹൃത്തുക്കളാണ്‌.
PRO
PRO
? അടിച്ചുപൊളിച്ച്‌ നടക്കുന്ന കോളേജ്‌ പെണ്‍കുട്ടിയുടെ വേഷം തെന്നിന്ത്യയിലും ഗെനീലിയ ധാരാളം ചെയ്‌തിട്ടുണ്ട്‌, അത്തരം വേഷങ്ങള്‍ ചെയ്യാനാണോ താത്‌പര്യം
അത്തരം കഥാപാത്രങ്ങള്‍ എനിക്ക്‌ നന്നായി ഇണങ്ങുമെന്ന്‌ ഞാന്‍ കരുതുന്നു. എല്ലാവരും അതു തന്നെയാണ്‌ പറയുന്നത്‌. അത്തരം കഥാപാത്രങ്ങളാണ്‌ എന്‍റെ പ്രായത്തിന്‌ ഇണങ്ങുന്നത്‌. പക്വതയുള്ള വേഷങ്ങള്‍ ചെയ്യാനും ഞാന്‍ തയ്യാറാണ്‌
? കോളേജ്‌ പെണ്‍കുട്ടിയുടെ വേഷം മാത്രം തുടര്‍ച്ചയായി ലഭിക്കുമ്പോള്‍ ടൈപ്പ്‌ കാസ്റ്റ്‌ ചെയ്യപ്പെടും എന്ന പേടിയില്ലേ
ഞാന്‍ ഇവിടെ തുടക്കകാരിയല്ലേ, ടൈപ്പ്‌ കാസ്റ്റ്‌ ചെയ്യപ്പെടും എന്ന്‌ ഇപ്പോഴേ പറയാന്‍ പറ്റുമോ. അങ്ങനെ പേടി എനിക്കില്ല
? തെന്നിന്ത്യന്‍ സിനിമകളില്‍ നിരവധി ചിത്രങ്ങള്‍ അഭിനയിച്ചു, ഹിന്ദി ഒരു പ്രശ്‌നമായോ
എനിക്ക്‌ ഹിന്ദി വായിക്കാനും എഴുതാനും കഴിയും. പക്ഷെ ഞാന്‍ ഹിന്ദി പറഞ്ഞ്‌ ശീലിച്ചിരുന്നില്ല. അതുകൊണ്ട്‌ ഡയലോഗ്‌ ഡെലിവറി ചെറിയ പ്രശ്‌നം ആയിരുന്നു തുടക്കത്തില്‍.
? എന്തുതരം വേഷങ്ങള്‍ ലഭിക്കണമെന്നാണ്‌ കരുതുന്നത്‌
ഒരു നടി എന്ന നിലയില്‍ എനിക്ക്‌ വെല്ലുവിളി ഉയര്‍ത്തുന്ന വേഷങ്ങള്‍ ചെയ്യാനാണ്‌ ആഗ്രഹം. നല്ല തിരക്കഥകള്‍ ആണ്‌ ഞാന്‍ പ്രതീക്ഷിക്കുന്നത്‌. സിനിമയുടെ എണ്ണം കൂട്ടുന്നതിന്‌ വേണ്ടി മാത്രമുള്ള കഥാപാത്രങ്ങള്‍ ചെയ്യാന്‍ എനിക്ക്‌ താത്‌പര്യമില്ല.
? അടുത്ത ചിത്രം
ഹര്‍മ്മാന്‍ ബാവേജ നായകനാകുന്ന അനീസ്‌ ബാസ്‌മിയുടെ ചിത്രത്തിലാണ്‌ ഇപ്പോള്‍ അഭിനയിക്കുന്നത്‌. ‘ഇറ്റ്‌സ്‌ മൈ ലൈഫ്‌’എന്നാണ്‌ ചിത്രത്തിന്‌ ഇപ്പോള്‍ പേരിട്ടിരിക്കുന്നത്‌.
? കുടുംബത്തെ കുറിച്ച്‌
PRO
PRO
എനിക്ക്‌ പൂര്‍ണ്ണ പിന്തുണ നല്‌കുന്ന കുടുംബമാണ്‌ എന്റേത്‌. എന്‍റെ എല്ലാ തീരുമാനങ്ങള്‍ക്ക്‌ പിന്നിലും എന്‍റെ കുടുംബമാണ്‌. അമ്മ എപ്പോഴും എന്നോടൊപ്പം ഉണ്ടാകും. എന്‍റെ കരിയര്‍ ഗുരു കൂടിയാണ്‌ അമ്മ
? ബോളിവുഡ്‌ താരങ്ങള്‍ക്ക്‌ എല്ലാം പ്രണയം കരിയറിന്‍റെ ഒരു ഭാഗം തന്നെയാണ്‌, എന്താണ്‌ ഗെനീലിയയുടെ അഭിപ്രായം
ഞാന്‍ അങ്ങനെ കരുതുന്നില്ല
? സിനിമയില്‍ വന്നതിന്‌ ശേഷം ആരോടെങ്കിലും താത്‌പര്യം തോന്നിയിട്ടുണ്ടോ?
ഇല്ല, ഇപ്പോള്‍ ഞാന്‍ ഒറ്റയ്‌ക്കാണ്‌. അങ്ങനെ തുടരാനാണ്‌ തീരുമാനം. എനിക്ക്‌ എന്‍റെ കരിയറില്‍ ശ്രദ്ധിക്കാനാണ്‌ താത്‌പര്യം.
