“എന്‍റെ കൂട്ടുകാരി നമ്മുടെ പെണ്‍കുട്ടികള്‍ക്ക് മാതൃകയാണ്. എത്ര മനക്കരുത്തോടെയാണ് അവള്‍ നില്‍ക്കുന്നത്. ഒരു പട്ടി കടിച്ചാല്‍ എന്താണ് ചെയ്യുക? ഡെറ്റോളിട്ട് കഴുകും, മുറിവ് കെട്ടിവയ്ക്കും, ഇന്‍‌ജക്ഷനെടുക്കും. അത്രയേയുള്ളൂ എന്നവള്‍ ഉറച്ചുവിശ്വസിക്കുന്നു” - റിമ പറയുന്നു.
“കാറില്‍ നിന്ന് എടുത്തുചാടുന്നതിനെക്കുറിച്ച് അവള്‍ ആലോചിച്ചിരുന്നെന്ന് പറഞ്ഞു. പക്ഷേ ചാടിയാല്‍ അംഗഭംഗം വരികയോ മരിക്കുകയോ ചെയ്യാം എന്ന് അടുത്ത നിമിഷം അവള്‍ തിരിച്ചറിഞ്ഞത്രേ. അവളുടെ ഏറ്റവും വലിയ സ്മാര്‍ട്‌നെസായി എനിക്ക് തോന്നിയിട്ടുള്ളത് ആ തീരുമാനം തന്നെയാണ്. മറിച്ചായാല്‍ അവള്‍ അനുഭവിക്കേണ്ടിവരുന്ന വേദനയും ദുരന്തവും എത്രയോ വലുതായേനെ” - റിമ വ്യക്തമാക്കുന്നു.
