ജനപ്രിയ നടന്‍ ദിലീപ് ജയിലിലായതോടെ താരത്തിന്റെ ‘രാമലീല’ റിലീസ് ചെയ്യാന്‍ ഇനിയും ദിവസങ്ങള്‍ എടുക്കും. ചിത്രത്തിന്റെ റിലീസ് നീണ്ടുനീണ്ടു പോകുകയാണ്. ഇപ്പോഴിതാ, ദിലീപ് ജയില്‍ മോചിതനായി എത്തിയാല്‍ മാത്രമേ രാമലീല റിലീസ് ചെയ്യുകയുള്ളു എന്നാണ് റിപ്പോര്‍ട്ടുകള്‍.
എങ്ങനെയെങ്കിലും സിനിമ റിലീസ് ചെയ്യാമെന്ന് കരുതിയിരുന്ന നിര്‍മാതാവ് ടോമിച്ചന്‍ മുളകുപാടത്തിന് ഇതു തിരിച്ചടിയായിരിക്കുകയാണ്. ചിത്രത്തിനായി 25 കോടിയാണ് ചിലവാക്കിയിരിക്കുന്നത്. നിലവില്‍ നല്ല സിനിമയൊന്നും തിയേറ്ററില്‍ ഇല്ല. അതിനാല്‍ ഫാന്‍സിന്റെ കരുത്തില്‍ നല്ല അഭിപ്രായം ചിത്രത്തിനുണ്ടാക്കി പരമാവധി കളക്ഷന്‍ നേടാമെന്നും ടോമിച്ചന്‍ കരുതിയിരുന്നു. ഈ മാര്‍ഗമാണ് ദിലീപ് ഇപ്പോള്‍ തട്ടിക്കളഞ്ഞിരിക്കുന്നത്.
