മുരിങ്ങയ്ക്ക ആരോഗ്യത്തിന് ഏറെ നല്ലതാണ്. എണ്ണൌ മസാലയും അധികം ചേര്‍ന്ന വിഭവങ്ങള്‍ അടുക്കള വാഴുമ്പോള്‍ ഇടയ്ക്ക് പഴയ രുചികളിലേക്ക് മടങ്ങിപ്പോകാം.
ചേര്‍ക്കേണ്ട ഇനങ്ങള്‍
കടലപ്പരിപ്പ്‌ - രണ്ട്‌ ടീസ്പൂണ്‍ വറ്റല്‍ മുളക്‌ - നാല്‌ കുരുമുളക്‌ - എട്ട്‌ തേങ്ങാ ചിരകിയത്‌ - ഒരു മുറി കറിവേപ്പില - ആവശ്യത്തിന് തുവരപ്പരിപ്പ്‌ - ഒന്നര കപ്പ്‌ മുരിങ്ങക്കായ - അഞ്ച്‌ മഞ്ഞള്‍പ്പൊടി - പാകത്തിന്‌ ഉപ്പ്‌ - ആവശ്യത്തിന് കായം - ഒരു നുള്ള്‌ വാളന്‍ പുളി - നെല്ലിക്കാ വലിപ്പത്തില്‍ കടുക്‌ - ഒരു ടീസ്പൂണ്‍ മല്ലിയില - ആവശ്യത്തിന്
പാകം ചെയ്യേണ്ട വിധം
കടലപ്പരിപ്പ്‌, വറ്റല്‍മുളക്‌, കുരുമുളക്‌ എന്നിവ ഒരു ചീനച്ചട്ടിയിലിട്ട്‌ വറുക്കുക. ഇതില്‍ രണ്ടാമത്തെ ചേരുവകള്‍ കൂടി ചേര്‍ത്ത്‌ വറുക്കുക. വറുത്ത ചേരുവകള്‍ മയത്തില്‍ അരച്ചെടുക്കുക. തുവരപ്പരിപ്പ്‌ വേവിച്ച്‌ വയ്ക്കുക. മുരിങ്ങക്കായ്‌ ചെറിയ കഷണങ്ങളാക്കിയതില്‍ മഞ്ഞള്‍, ഉപ്പ്‌, കായം എന്നിവയില്‍ പുളിവെള്ളം ഒഴിച്ചു വേവിക്കുക. കഷണം വെന്തുക്കഴിഞ്ഞാല്‍ അരപ്പ്‌ ഒഴിക്കുക. ഇതില്‍ തുവരപ്പരിപ്പും ചേര്‍ത്ത്‌ ചാറോടുകൂടി വാങ്ങിവയ്ക്കുക. വെളിച്ചെണ്ണ ചൂടാകുമ്പോള്‍ കടുക്‌ പൊട്ടിച്ച്‌ ചേര്‍ക്കുക. മല്ലിയിലയും ചേര്‍ത്ത്‌ ഉപയോഗിക്കാം. മുരിങ്ങക്കയുടെ ഉള്ളിലുള്ള ഭാഗം തീയ്യല്‍ വയ്ക്കാം.
