യഥാര്‍ത്ഥ ജീവിതത്തില്‍ ഇന്ദ്രജയുമായി യാതൊരു സാമ്യവുമില്ലെന്ന് താരം പറയുന്നു. അമൃതയ്ക്ക് അമ്മയും അച്ഛനും മാത്രമാണുള്ളത്. അമ്മ ഡ്രൈവിങ് സ്‌കൂള്‍ നടത്തുകയാണ്. അച്ഛന്‍ കോണ്‍ട്രാക്ട് വര്‍ക്ക് ചെയ്യുന്നു. 'തിങ്കള്‍ കലമാന്‍' എന്ന സീരിയലില്‍ അഭിനയിച്ചു കൊണ്ടിരിക്കുമ്പോഴാണ് ഏഷ്യാനെറ്റിലേക്ക് വിളി വരുന്നത് എന്നും താരം പറഞ്ഞു. വിളിച്ചപ്പോള്‍ തന്നെ പ്രതിഫലമോ സീരിയലിന്റെ പേരോ ഒന്നും ചോദിച്ചില്ല. കുടുംബവിളക്കില്‍ അഭിനയിക്കാനാണ് തന്നെ വിളിച്ചതെന്ന് അറിഞ്ഞപ്പോള്‍ താന്‍ കിളിപോയ അവസ്ഥയിലായെന്നും അമൃത പറഞ്ഞു. കഥാപാത്രത്തിനുവേണ്ടി മുടിയൊക്കെ മുറിച്ചാണ് താന്‍ ലൊക്കേഷനില്‍ എത്തിയതെന്നും താരം പറയുന്നു.
തന്റെ വ്യക്തിജീവിതത്തെ കുറിച്ചും അമൃത പറയുന്നുണ്ട്. തനിക്ക് ഒരു പ്രണയം ഉണ്ടായിരുന്നെന്നും എന്നാല്‍ ആ ബന്ധം പിന്നീട് തകരുകയായിരുന്നെന്നും അമൃത പറഞ്ഞു. ഇപ്പോള്‍ പ്രണയമില്ല, മുന്‍പ് ഉണ്ടായിരുന്നു. ഡിഗ്രിക്ക് പഠിക്കുമ്പോഴുണ്ടായ പ്രണയം നാലു വര്‍ഷത്തോളം നീണ്ടു നിന്നു. വീട്ടിലൊക്കെ അറിയാമായിരുന്നെങ്കിലും വേര്‍പിരിയേണ്ടി വന്നെന്നും താരം പറയുന്നു. നോര്‍ത്ത് ഇന്ത്യന്‍ അദ്ദേഹം വളരെ പൊസസീവ് ആയിരുന്നെന്നും അമൃത പറഞ്ഞു. ഒടുവില്‍ ഇരുവരും പരസ്പരം പറഞ്ഞ് വേര്‍പിരിയുകയായിരുന്നെന്നും അമൃത പറഞ്ഞു.
