അരിസ്‌റ്റോ സുരേഷും പേളിയും തമ്മിലുള്ള ബന്ധത്തെക്കുറിച്ചാണ് ഇപ്പോൾ ഹൌസിലുള്ളവർ സംസാരിക്കുന്നത്. തുടക്കം മുതല്‍ത്തന്നെ പേളിയും സുരേഷുമായുള്ള അടുപ്പത്തെക്കുറിച്ച് പലരും സംശയം ഉന്നയിച്ചിരുന്നു. എല്ലാ കാര്യങ്ങളും സുരേഷ് വ്യക്തിപരമായിട്ടാണ് എടുക്കുന്നതെന്നും അത് അദ്ദേഹത്തിന് ബുദ്ധിമുട്ട് ഉണ്ടാക്കുകയാണെന്നും പേളി കഴിഞ്ഞ ദിവസം ബിഗ് ബോസിനോട് പറഞ്ഞിരുന്നു.
സുരേഷുമായുള്ള ബന്ധത്തെക്കുറിച്ച് പറഞ്ഞ് പലരും പ്രകോപിപ്പിക്കുമ്പോഴും അത് വന്‍വിഷയമാക്കി മാറ്റിയപ്പോഴും പേളി വല്ലാതെ അസ്വസ്ഥയായിരുന്നു. ഇടയ്ക്ക് വെച്ച് ശ്രിനിഷിനോട് സംസാരിച്ചുവെങ്കിലും കൃത്യമായൊന്നും പറയാതെ പോവുകയായിരുന്നു. വല്ലാതെ സമ്മർദ്ദത്തിലായിരുന്നു പേളി ശ്രീനിഷിനോട് തനിക്കൊരു ഹഗ് വേണമെന്ന് പറയുന്ന രംഗവും ഇതിനിടയിലുണ്ട്.
