നല്ല മാറ്റങ്ങളാണ് മലയാള സിനിമയിൽ ഉണ്ടാകുന്നത്. എന്നാൽ, സിനിമയുടെ അണിയറയിൽ ഉണ്ടാകുന്ന കാര്യങ്ങളൊന്നും അത്ര നല്ലതല്ല. മഞ്ജു വാര്യരുടെ രണ്ടാംവരവും വിവാഹമോചനവും ദിലീപിന്റെ രണ്ടാംവിവാഹവും കൊച്ചിയിൽ നടി ആക്രമിക്കപ്പെട്ടതും അതുമായി ബന്ധപ്പെട്ട് താരസംഘടനയായ അമ്മയെടുത്ത നിലപാടും നാല് നടിമാരുടെ രാജിയുമെല്ലാം വൻ വിവാദമായിരുന്നു.
പതിനാല് വർഷത്തിനു ശേഷം റോഷൻ അൻഡ്രൂസിന്റെ ഹൗ ഓൾഡ് ആർ യു എന്ന ചിത്രത്തിലൂടെയായിരുന്നു മഞ്ജുവിന്റെ മടങ്ങി വരവ്. ശ്രീകുമാർ മേനോനാണ് മഞ്ജു വീണ്ടും സിനിമയിൽ തിരിച്ചു വരുന്നുണ്ടെന്ന് പറഞ്ഞത്. ഇതറിയാൻ ദിലീപിനെ വിളിക്കുകയും മെസേജ് അയക്കുകയും ചെയ്തു. എന്നാൽ, അദ്ദേഹം മറുപടി നൽകിയിരുന്നില്ല.
