കേരള പോലീസ് റോഡ് സുരക്ഷ അവബോധ പ്രചരണത്തിന്റെ ഭാഗമായി 2009 ല്‍ അവതരിപ്പിച്ച പപ്പുസീബ്ര 3D ആനിമേഷന്‍ രൂപത്തില്‍ കുട്ടികള്‍ക്കിടയിലേക്ക്. മെഗാസ്റ്റാര്‍ മമ്മുട്ടിയാണ് പപ്പുവിനെ തന്റെ ഔദ്ദ്യോഗിക ഫെയ്‌സ്ബുക്ക് പേജിലൂടെ അവതരിപ്പിക്കുന്നത്. നാളെ (11 - 05 -2019) ശനിയാഴ്ച്ച വൈകീട്ട് 7 മണിക്ക് മമ്മുട്ടിയുടെ ഔദ്ദ്യോഗിക ഫെയ്‌സ്ബുക്ക് പേജില്‍ പപ്പുവിന്റെ ആദ്യ ആനിമേഷന്‍ ചിത്രം കാണാം.
ചെറിയ കഥകളിലൂടെയും കവിതകളിലൂടെയും റോഡപകടം എന്ന മഹാദുരന്തത്തിന് തടയിടുക എന്നതാണ് പപ്പുസീബ്ര ആനിമേഷന്‍ചിത്രത്തിലൂടെ പറയുന്നത്. മെഗാസ്റ്റാര്‍ മമ്മുട്ടി നേതൃത്വം വഹിക്കുന്ന കെയര്‍ ആന്റ് ഷെയര്‍ ഇന്റര്‍നാഷണല്‍ ഫൗണ്ടേഷന്‍ എന്ന പ്രശസ്തമായ ചാരിറ്റി സംഘടനയും പപ്പുവിനൊപ്പം റോഡ് സുരക്ഷ പ്രചരണത്തിനിറങ്ങുന്നുണ്ട്.
