കാപ്പിയും ചായയുമൊക്കെ കുടിച്ച ശേഷം കപ്പ് കടിച്ചുതിന്ന് വിശപ്പക്കറ്റാൻ കഴിഞ്ഞാലോ ? കേൾക്കുമ്പോൾ തമാശയായി തോന്നുമെങ്കിലും അത്തരത്തിൽ ഒരു കണ്ടുപിടിത്തവുമായി എത്തിയിരിക്കുകയാണ് ഹൈദെരാബാദിലെ ഒരു കമ്പനി. കാപ്പിയോ, ചയയോ ജ്യൂസുകളോ, അങ്ങനെ തണുപ്പുള്ളതും ചൂടുള്ളതുമായ എന്തു പാനിയവും ഈ കപ്പിൽ കുടിക്കാം. ശേഷം കപ്പും തിന്നാം.
എത്ര ചൂടുള്ളതും തണുത്തതുമായ ഉത്പന്നങ്ങളെയും കപ്പിന് താങ്ങാനാകും, പാനിയങ്ങൾ കപ്പിന്റെ പ്രതലത്തിലേക്ക് ലയിച്ചു ചേരില്ല. ക്രിസ്പിയായി തെന്ന ഈ കപ്പുകൾ കഴിക്കാം. കൃത്രിമമായ കോട്ടിങ്ങുകൾ ഉപയോഗിക്കാത്തതിനാൽ കപ്പിൽ കുടിക്കുന്ന പാനിയങ്ങൾക്ക് രുചി വ്യത്യസം അനുഭവപ്പെടില്ല എന്നും കമ്പനി അവകാശപ്പെടുന്നു.
