ഒരു കണ്ണിന് കാഴ്ചയില്ലാത്ത, മറുകണ്ണിന് ഭാഗികമായി മാത്രം കാഴ്ചയുള്ള ആനയാണ് തെച്ചിക്കോട്ടുകാവ് രാമചന്ദ്രന്‍. ഇതുവരെ രണ്ട് ആനകളേയും 7 ആളുകളേയും രാമചന്ദ്രൻ കുത്തിക്കൊന്നിട്ടുണ്ട്. കളക്ടറുടെ വിലക്കിനെ മറികടന്ന് പൂരത്തിന് ആനയെ എഴുന്നള്ളിക്കാമെന്നുള്ള അറിയിപ്പാണ് പുതിയത്.
തെച്ചിക്കോട്ടുകാവ് രാമചന്ദ്രന്‍ എന്ന ആനയെ പൂര വിളംബരത്തിന് മാത്രം എഴുന്നള്ളിക്കാമെന്ന് അഡ്വക്കേറ്റ് ജനറല്‍ സര്‍ക്കാരിന് നിയമോപദേശം നല്‍കിയിരുന്നു. ആനയെ ആള്‍ക്കൂട്ടത്തിനിടയില്‍ നിന്ന് നിശ്ചിത അകലത്തില്‍ നിര്‍ത്തണം, പ്രകോപനമില്ലാതെ നോക്കണം എന്നതടക്കം കര്‍ശന ഉപാധികളാണ് നല്‍കിയിരിക്കുന്നത്.
