വിദേശനാണയ ശേഖരം കാലിയായതോടെ രൂക്ഷമായ വിലക്കയറ്റത്തിൽ വലഞ്ഞ് ശ്രീലങ്കൻ ജനത.ശ്രീലങ്കൻ തലസ്ഥാനമായ കൊളംബോയിൽ പ്രസിഡന്‍റ് ഗോതബയ രാജപക്സ ഉടനടി രാജിവയ്ക്കണമെന്നാവശ്യപ്പെട്ട് പ്രതിഷേധം കത്തിപ്പടരുകയാണ്. സാമ്പത്തിക പ്രതിസന്ധിക്ക് പരിഹാരം കാണാനായി ശ്രീലങ്കൻ രൂപയുടെ മൂല്യം 36 ശതമാനം സർക്കാർ കുറച്ചിരുന്നു. ഇതോടെ അവശ്യസാധനങ്ങളുടെ വില കുതിച്ചുയരുന്നതിന് കാരണമായി.
അരി കിലോയ്ക്ക് 448 ലങ്കൻ രൂപ(128 ഇന്ത്യൻ രൂപ) യാണ് വില. ഒരു ലിറ്റർ പാൽ വാങ്ങാൻ 263 (75 ഇന്ത്യൻ രൂപ) ലങ്കൻ രൂപ എന്നിങ്ങനെയാണ് വില നിലവാരം. പെട്രോൾ ലിറ്ററിന് 283 ശ്രീലങ്കൻ രൂപയും ഡീസലിന് 176 ശ്രീലങ്കൻ രൂപയുമാണ്. ഇതോടെ രാജ്യത്ത് ഇന്ധനക്ഷാമം രൂക്ഷമായി.വൈദ്യുതിനിലയങ്ങൾ പ്രവർത്തനമൂലധനമില്ലാത്തതിനാൽ അടച്ചിട്ടിരിക്കുകയാണ്. ഇതോടെ എഴരമണിക്കൂർ പവർകട്ടാണ് ജനങ്ങൾ സഹിക്കുന്നത്.
