അതേസമയം റിലയന്‍സ് ഗ്രൂപ്പിലെ സാമ്പത്തിക സേവന വിഭാഗമായ ജിയോ ഫിനാന്‍ഷ്യല്‍ സര്‍വീസസിനെ കമ്പനി റിലയന്‍സ് ഇന്‍ഡസ്ട്രീസില്‍ നിന്നും വേര്‍പെടുത്താന്‍ തീരുമാനിച്ചിട്ടുണ്ട്. റിലയന്‍സ് ഓഹരിയുടമകള്‍ക്ക് റിലയന്‍സിന്റെ ഒരു ഓഹരിക്ക് ഒന്ന് വീതം എന്ന നിലയില്‍ ജിയോ ഫിനാന്‍ഷ്യല്‍ സര്‍വീസിന്റെ ഓഹരി ലഭിക്കും. ഇതും ഓഹരികളുടെ വില ഉയരാന്‍ കാരണമായതായാണ് സാമ്പത്തിക വിദഗ്ധര്‍ വിലയിരുത്തുന്നത്. ഓഹരിവിലയിലുണ്ടായ മുന്നേറ്റത്തിലൂടെ റിലയന്‍സിന്റെ മൊത്തം ഓഹരി മൂല്യം 19.1 ലക്ഷം കോടി രൂപയായാണ് ഉയര്‍ന്നത്.
