പുതിയ രണ്ട് സ്മാര്‍ട്ട് ഫോണുകളുമായി ഒപ്പോ രംഗത്ത്. R9, R9 പ്ലസ് എന്നീ രണ്ട് പുതിയ ഫോണുകളുമായാണ് ഒപ്പോ ചൈനീസ് വിപണിയിലെത്തിയിരിക്കുന്നത്. ഗോള്‍ഡ്, റോസ് ഗോള്‍ഡ് എന്നീ നിറങ്ങളില്‍ പുറത്തിറങ്ങുന്ന R9, R9 പ്ലസ് ഫോണുകള്‍ക്ക് യഥാക്രമം 27700 രൂപയും 34700 രൂപയുമാണ് ചൈനയിലെ ഏകദേശ വില.
അഞ്ചര ഇഞ്ച് ഫുള്‍ എച്ച്.ഡി ആണ് 1080x1920 പിക്സൽ റസല്യൂഷനുമായാണ് ഒപ്പോ R9 എത്തുന്നത്. 2.0GHz സ്നാപ്ഡ്രാഗണ്‍ 625 ഒക്ടാകോര്‍ പ്രോസസര്‍ 4ജിബി റാം, Adreno 506 GPU തുടങ്ങിയ സവിശേഷതകളും ഈ ഫോണിലുണ്ട്. 3010mAh ബാറ്ററിയാണ് ഈ ഫോണില്‍ ഉപയോഗിച്ചിരിക്കുന്നത്.
ഹോം ബട്ടന്റെ ഉള്ളില്‍ ഫിംഗര്‍പ്രിന്റ് സെന്‍സര്‍, സാധാരണ സ്മാര്‍ട്ട്‌ഫോണുകളില്‍ കാണുന്ന 1.5mm to 2mm വീതിയുള്ള ആന്റിന ലൈന്‍സില്‍ നിന്നും വ്യത്യസ്തമായി 0.3mm വീതിയുള്ള മൂന്നു ആന്റിന ലൈന്‍സാണ് ഇതിലുള്ളത്. ഇന്ത്യയില്‍ ഈ ഫോണ്‍ എന്നാണ് എത്തുകയെന്ന കാര്യത്തില്‍ കൃത്യമായ വിവരം ലഭിച്ചിട്ടില്ല.
