കൂടുതല്‍ കരുത്തുള്ളതും, ഭാരം കുറഞ്ഞതുമായ അലൂമിനിയം മോണോകോക്ക് ഡി7എക്സ് ആര്‍ക്കിടെക്ച്ചറിലാണ് വാഹനം ഒരുങ്ങിയിരിയ്ക്കുന്നത്, കാഴ്ചയിൽ കരുത്തൻ ലുക്ക് വെളിവാകുന്ന ഡിസൈൻ ശൈലിയാണ് ഡിഫൻഡറിന്. മുൻ മോഡലിലെ ബോക്സി രൂപ നിലനിർത്തുകയും എന്നാൽ ഡിസൈനിൽ കൂടുതൽ മാറ്റങ്ങൾ കൊണ്ടുവരികയും ചെയ്തിട്ടുണ്ട്. പുതിയ പിവി പ്രോ ടച്ച്‌സ്‌ക്രീന്‍ ഇന്‍ഫോടെയ്ന്‍മെന്റ് സിസ്റ്റം, 4 സ്‌പോക്ക് മള്‍ട്ടി ഫങ്ഷന്‍ സ്റ്റിയറിങ് വീല്‍ എന്നിവ ഇന്റീരിയറിലെ സവിശേഷതകളാണ്.
296 ബിഎച്ച്പി പവറും 400 എന്‍എം ടോര്‍ക്കും സൃഷ്ടിയ്ക്കാനാകുന്ന 2.0 ലിറ്റര്‍ നാല് സിലിണ്ടര്‍ പെട്രോള്‍ എന്‍ജിനിലായിരിക്കും ലാൻഡ് റോവർ ഡിഫൻഡർ വിപണിയിലെട്ടുക. 3.0 ലിറ്റർ പ്ലഗ് ഇൻ ഹൈബ്രിഡ് പതിപ്പിലും വാഹനം വിപണിയിലെത്തും എന്നാണ് റിപ്പോർട്ടുകൾ. ഓൾവീൽ ഡ്രൈവ് സംവിധാനമുള്ള വാഹനം ഓട്ടോമാറ്റിക് ട്രാൻസ്മിഷനിലാണ് വിപണിയിലെത്തുക.
