ഇലക്ട്രിക് സ്കൂട്ടർറെന്ന് പറഞ്ഞാൽ ആളുകൾക്ക് അത്ര താൽപര്യം പോര. കാരണം ഒച്ച് ഇഴഞ്ഞു നീങ്ങുന്നതുപോലെ യാത്ര ചെയ്യാവുന്ന ഇലക്ട്രിക് സ്കൂട്ടറുകൾ മാത്രമേ നമ്മൾ കൺണ്ടിട്ടുള്ളു. എന്നൽ ഇലക്ട്രോണിക് സ്കൂട്ടർ വിപണിയിൽ വിപ്ലവം സൃഷ്ടിക്കാൻ സീൽ എത്തിക്കഴിഞ്ഞു. ഗ്രീവ്സ് കോട്ടന്റെ ആപിയർ വെഹിക്കിൾ എന്ന സ്ഥാപനമാണ് മണിക്കൂറിൽ 55 കിലോമീറ്റർ വേഗതയിൽ സഞ്ചരിക്കാൻ സധിക്കുന്ന ഇലക്ട്രോണിക് സ്കൂട്ടർ വിപണിയിൽ എത്തിക്കുന്നത്.
ഇക്കനോമി, പവർ എന്നിങ്ങനെ ഇരട്ട സ്പീഡ് മോഡ് വാഹനത്തിൽ ഒരുക്കിയിട്ടുണ്ട്. വാഹനത്തിൽ, ഇക്കണോമിയിൽ മോഡിൽ അധികം ചാർജ് നഷ്ടമാവില്ല. 50 കിലോമീറ്റർ വേഗത കൈവരിക്കാൻ വാഹനത്തിന് വെറും 14 സെക്കൻഡുകൾ മതി എന്നും കമ്പനി അവകാശപ്പെടുന്നു. വൈദ്യുത വാഹനങ്ങൾ പ്രോൽസഹിപ്പിക്കുന്നതിനായുള്ള കേന്ദ്ര സർക്കാരിന്റെ പദ്ധതി പ്രകരം 18,000 രൂപയുടെ ഇളവ് വാഹനത്തിന് ലഭിക്കുന്നതോടെ കുറഞ്ഞ വിലയിൽ മികച്ച വാഹനം സ്വന്തമാക്കാനാകും എന്ന് കമ്പനി പറയുന്നു.
