നോക്കിയ പുതുതായി രണ്ട് മൊബൈല്‍ ഫോണ്‍ പുറത്തിറക്കി. 'ടച്ച് ആന്‍റ് ടൈപ്പി' ലുളള നോക്കിയ-എക്‌സ് ത്രീ- 02, നോക്കിയ സി-ത്രി-01 എന്നീ പുതു മോഡലുകളാണ് ചെന്നൈയില്‍ വിപണിയില്‍ അവതരിപ്പിച്ചത്.
നോക്കിയ എക്‌സ്-ത്രി-02ന്റെ വില 8839 രൂപയാണ്. സി-ത്രി-01ന് 9389 രൂപയുമാണ് വില. വേഗതയേറിയ ചാറ്റിംഗിനും സോഷ്യല്‍ നെറ്റ് വര്‍ക്കുകള്‍ക്കുമുളള സൗകര്യങ്ങളുണ്ട്. 5 മെഗാ പിക്‌സല്‍ ക്യാമറയാണ് ഇവയിലുള്ളത്.
നോക്കിയ ഇതുവരെ പുറത്തിറക്കിയതില്‍ ഏറ്റവും മെലിഞ്ഞ രീതിയിലുളള മൊബൈല്‍ ഫോണുകളാണിതെന്ന് കമ്പനി അധികൃതര്‍ അവകാശപ്പെട്ടു.
