വസ്ത്രനിര്‍മാണ കമ്പനിയായ കിറ്റെക്‌സ് ഗാര്‍മെന്റ്സിന്റെ അറ്റാദായത്തില്‍ വര്‍ധന. 2010-11 സാമ്പത്തിക വര്‍ഷത്തില്‍ കമ്പനിയുടെ അറ്റാദായം 11 ശതമാനത്തോളമാണ് വര്‍ധിച്ചത്.
കമ്പനിയുടെ അറ്റാദായം 20.63 കോടി രൂപയായിട്ടാണ് വര്‍ധിച്ചിരിക്കുന്നത്. 2009-10ല്‍ ഇത് 18.50 കോടിയായിരുന്നു.
അതേസമയം വരുമാനത്തില്‍ നേരിയ ഇടിവ് രേഖപ്പെടുത്തി. 267.56 കോടിയില്‍ നിന്ന് 256.05 കോടിയായാണ് വരുമാനത്തില്‍ കുറവുണ്ടായത്. എന്നാല്‍ ചെലവ് കുറയ്ക്കാനായത് കമ്പനിക്ക് നേട്ടമായി. 230.41 കോടി രൂപയില്‍ നിന്ന് 215.21 കോടി രൂപയായാണ് ഇത് കുറഞ്ഞത്.
