ഒരു രാവിലെ എണീക്കുമ്പോൾ നിങ്ങളുടെ ബാങ്ക് അക്കൗണ്ടിലേക്ക് കോടികൾ എത്തുന്നത് നിങ്ങൾ സ്വപ്നം കണ്ടിട്ടുണ്ടോ? എങ്കിൽ സമാനമായ അനുഭവത്തിലൂടെയാണ് കഴിഞ്ഞ ദിവസം ചില എച്ച്ഡിഎഫ്സി അക്കൗണ്ട് ഉടമകൾ കടന്നുപോയത്. സാങ്കേതിക തകരാർ മൂലം കോടികളാണ് പലരുടെയും അക്കൗണ്ടിലേക്ക് എത്തിയത്. ഒരാളുടെ അക്കൗണ്ട് 13 കോടി രൂപയായാണ് ഉയർന്നത്.ഇത്തരത്തിൽ പലരും സമാനമായ അവസ്ഥ നേരിട്ടു. ബാങ്കിനെ ഇക്കാര്യം അറിയിച്ചതോടെ ഒട്ടുമിക്ക ആളുകളുടെയും അക്കൗണ്ട് മണിക്കൂറുകൾക്കുള്ളിൽ പഴയ നിലയിലായി.
