ഓഗസ്റ്റ് 7 ബുധനാഴ്ച രാത്രി 11:23നാണ് 50 കിലോ ഫ്രീസ്‌റ്റൈല്‍ ഗുസ്തി ഫൈനല്‍ മത്സരം നടക്കുക. അമേരിക്കയുടെ ഗുസ്തിതാരം സാറാ ഹില്‍ഡെബ്രാന്‍ഡ് ആണ് ഫൈനലില്‍ വിനേഷിന്റെ എതിരാളി. കഴിഞ്ഞ ടോക്യോ ഒളിമ്പിക്‌സിലെ വെങ്കല മെഡല്‍ ജേതാവാണ് സാറ. ജപ്പാന്റെ ലോക ഒന്നാം നമ്പര്‍ താരം യുയി സുസാക്കി ചൈനയുടെ സുന്‍ യനാന്‍ എന്നിവര്‍ക്കായിരുന്നു ടോക്യോ ഒളിമ്പിക്‌സില്‍ സ്വര്‍ണ, വെള്ളി മെഡലുകള്‍. നിലവിലെ ഫോമില്‍ 30കാരിയായ താരം വിനേഷിന് കടുത്ത ഭീഷണി സൃഷ്ടിക്കില്ലെന്നാണ് കണക്കാക്കുന്നത്.
