Manu bhaker, Paris Olympics
പാരീസ് ഒളിമ്പിക്‌സില്‍ ഇന്ത്യയുടെ ആദ്യ മെഡല്‍ സ്വന്തമാക്കിയ ഷൂട്ടര്‍ മനു ഭാക്കര്‍ മറ്റൊരു മെഡല്‍ നേട്ടത്തിനരികെ. 10 മീറ്റര്‍ എയര്‍ പിസ്റ്റളില്‍ വെങ്കലം നേടിയ മനു മിക്സഡ് ഇനത്തിലും വെങ്കല നേട്ടത്തിനുള്ള പോരിന് യോഗ്യത നേടി. സരബ്‌ജോത് സിംഗുമായി ചേര്‍ന്നാണ് മനു മത്സരത്തിലിറങ്ങിയത്. ഇരുവരും ചേര്‍ന്ന് 580 പോയന്റാണ് സ്വന്തമാക്കിയത്. സ്വര്‍ണമെഡലിനായുള്ള പോരാട്ടം ഒരു പോയിന്റെ വ്യത്യാസത്തിലാണ് ഇരുവര്‍ക്കും നഷ്ടമായത്. ഒന്നാം സ്ഥാനത്തുള്ള ടര്‍ക്കിഷ് സംഘത്തിന് 582 പോയിന്റും 581 പോയിന്റുള്ള സെര്‍ബിയന്‍ ടീം രണ്ടാം സ്ഥാനത്തുമാണ്.
