ചെക്ക് റിപ്പബ്ളിക്കില്‍ നടക്കുന്ന ടാബോര്‍ അത്‍ലറ്റിക് മീറ്റില്‍ സ്വര്‍ണമണിഞ്ഞ് ഇന്ത്യന്‍ താരം ഹിമ ദാസ്. 15 ദിവസത്തിനിടെ ഹിമ സ്വന്തമാക്കുന്ന നാലാമത്തെ അന്താരാഷ്ട്ര സ്വര്‍ണമാണിത്. 200 മീറ്ററിലായിരുന്നു ഹിമ സ്വര്‍ണം സ്വന്തമാക്കിയത്. 23.25 സെക്കന്റിലാണ് ഹിമ ഫിനിഷിങ് പോയിന്റിലേക്ക് കുതിച്ചെത്തിയത്. 23.43 സെക്കന്റില്‍ ലക്ഷ്യം പൂര്‍ത്തിയാക്കിയ വി.കെ വിസ്മയ വെള്ളിയണിഞ്ഞു.
ഹിമ പോളണ്ടില്‍ നിന്നാണ് സ്വര്‍ണവേട്ട തുടങ്ങിവെച്ചത്. ജൂലൈ രണ്ടിന് നടന്ന മത്സരത്തില്‍ 200 മീറ്റര്‍, 23.65 സെക്കന്റില്‍ ഓടിയെത്തി ഹിമ സുവര്‍ണതാരമായി. ജൂലൈ എട്ടിന് പോളണ്ടിലെ തന്നെ കുട്നോ അത്‍ലറ്റിക്സ് മീറ്റില്‍ വീണ്ടും ഹിമ സ്വര്‍ണം ഓടിപ്പിടിച്ചു.
