ഇംഗ്ലീഷ് പ്രീമിയര്‍ ലീഗില്‍ ലിവര്‍പൂളിനു വിജയം. സണ്ടര്‍ലാന്‍ഡിനെതിരായ മത്സരത്തില്‍ 1-0 ത്തിനാണ് ലിവര്‍ പൂള്‍ ജയിച്ചത്. കടുത്ത മത്സരമാണ് നടന്നെതെങ്കിലും കളിയുടെ തുടക്കം മുതല്‍ മുന്‍‌തൂക്കം നിലനിര്‍ത്താന്‍ സാധിച്ച ലിവര്‍ പൂളിന് പക്ഷെ സണ്ടര്‍ലാന്‍ഡിന്റെ പ്രതിരോധത്തെ മറികടക്കുന്നതില്‍ ഒത്തിരി വിയര്‍ക്കേണ്ടിവന്നു. സെര്‍ബിയക്കാരനായ യുവസ്‌ട്രൈക്കര്‍ ലാസര്‍ മാര്‍ക്കോവിക്കാണ് ലിവര്‍പൂളിന്റെ വിജയ കാരണമായ നിര്‍ണായക ഗോള്‍ നേടിയത്.
