27 താരങ്ങളില്‍ 18 പേര്‍ക്കും പ്രായക്കൂടുതല്‍; യൂത്ത് ഗെയിംസിനു പോയവരെ തിരിച്ചു വിളിച്ചു
തിങ്കള്‍, 19 ഓഗസ്റ്റ് 2013 (12:37 IST)
PRO
പ്രായകൂടുതല്‍ കാരണം മത്സരിക്കാന്‍ യോഗ്യരല്ലെന്ന് കണ്ടെത്തിയതിനെ തുടര്‍ന്ന് ഏഷ്യന്‍ യൂത്ത് ഗെയിംസിന് പോയ ഇരുപത്തിയേഴ് താരങ്ങളില്‍ 18 കായികതാരങ്ങളെ തിരിച്ചുവിളിച്ചു.
16 വയസ്സിന് താഴെയുള്ളവര്‍ക്ക് മാത്രമേ യൂത്ത് ഗെയിംസില്‍ പങ്കെടുക്കാന്‍ അര്‍ഹതയുള്ളൂ. എന്നാല്‍ രാജ്യത്ത് നിന്നും അത്റ്റലറ്റിക് ഫെഡറേഷന്‍ ഓഫ് ഇന്ത്യ അയച്ച താരങ്ങളില്‍ 18 പേര്‍ 16 വയസ്സിന് മുകളിലുള്ളവരാണെന്ന് കണ്ടെത്തുകയായിരുന്നു.
27 അംഗ സംഘമാണ് ചൈനയിലെ നാന്‍ജിംഗില്‍ നടക്കുന്ന ഏഷ്യന്‍ യൂത്ത് ഗെയിംസില്‍ പങ്കെടുക്കാന്‍ പോയത്.ഗെയിംസ് അധികൃതര്‍ നടത്തിയ പരിശോധനയില്‍ 18 താരങ്ങള്‍ 16 വയസ്സിന് മുകളിലുള്ളവരാണെന്ന് കണ്ടെത്തുകയായിരുന്നു.
