സ്പാനിഷ് ലീഗ്: ബാഴ്‌സയെ സെവിയ തളച്ചു

സ്പാനിഷ് ലീഗ് ഫുട്‌ബോളില്‍ സെവിയ ബാഴ്‌സലോണയെ തളച്ചു. 1-1 എന്ന നിലയിലാണ് മത്സരം സമനിലയിലായത്.

മുപ്പതാം മിനിറ്റില്‍ ബൊജാന്‍ കാര്‍കിക് നേടിയ ഗോളില്‍ ബാഴ്സയാണ് ആദ്യം മുന്നിലെത്തിയത്. എന്നാല്‍ നാല്‍പ്പത്തിയൊമ്പതാം മിനിറ്റില്‍ ജീസസ് നവാസ് ഗോള്‍ മടക്കി.

ഈ മത്സരത്തില്‍ രണ്ടു പോയന്റ് നഷ്ടമായതോടെ മുന്നിലുള്ള ബാഴ്‌സയും രണ്ടാമതുള്ള റയല്‍ മാഡ്രിഡുമായുള്ള പോയന്റ് വ്യത്യാസം അഞ്ചായി കുറഞ്ഞു.