ഇന്ത്യന്‍ ടെന്നീസ് താരം സോംദേവ് ദേവ്‌വര്‍മന്‍ ഇന്ത്യന്‍ വെല്‍സ് എ ടി പി മാസ്റ്റേഴ്സ്‌ ടൂര്‍ണമെന്റിന്റെ പ്രീക്വാര്‍ട്ടറിലെത്തി. തുടര്‍ച്ചയായ രണ്ട് അട്ടിമറി വിജയങ്ങളോടെയാണ് സോംദേവ് നാലാം റൌണ്ടിലെത്തിയിരിക്കുന്നത്. ലോകറാങ്കിംഗില്‍ അമ്പത്തിരണ്ടാം സ്ഥാനാക്കാരനായ ബെല്‍ജിയത്തിന്റെ സേവ്യര്‍ മലീസയെ മൂന്നുസെറ്റ് നീണ്ട പോരാട്ടത്തില്‍ കീഴടക്കിയാണ് സോംദേവ് പ്രീക്വാര്‍ട്ടറിലെത്തിയത്.
ലോക ഒന്നാം നമ്പര്‍ താരം സ്പെയ്നിന്റെ റാഫേല്‍ നദാലാണ്‌ പ്രീക്വാര്‍ട്ടറില്‍ സോംദേവിന്റെ എതിരാളി.
സൈപ്രസ്‌ താരവും പത്തൊമ്പതാം സീഡുമായ മാര്‍ക്കോസ്‌ ബാഗ്‌താത്തിസിനെ 7-5, 6-0നു കീഴടക്കിയായിരുന്നു രണ്ടാം റൌണ്ടില്‍ വിജയിച്ചത്‌. മൂ‍ന്നാം റൌണ്ടില്‍ ബല്‍ജിയത്തിന്റെ സേവ്യര്‍ മലിസെയെയും പരാജയപ്പെടുത്തി.
നദാല്‍ അനായാസം കളി ജയിച്ചു മടങ്ങുമ്പോള്‍ സോംദേവ് അവസാന സെറ്റിലെ ടൈ ബ്രേക്കര്‍ കളിക്കുകയായിരുന്നു. മല്‍സര ശേഷമുള്ള പത്രസമ്മേളനം നീട്ടിവച്ച്‌ നദാല്‍ ആ കളി കണ്ടു നിന്നിരുന്നു. കോമണ്‍വെല്‍ത് ഗെയിംസിലും ഏഷ്യന്‍ ഗെയിംസിലും സ്വര്‍ണമെഡല്‍ നേടിയ താരമാണ് സോംദേവ്.