മയക്കുമരുന്ന് ഇടപാടില്‍ ആരോപണ വിധേയനായ ബോക്‌സിംഗ് ഒളിമ്പിക് മെഡല്‍ താരം വിജേന്ദര്‍ സിംഗിനെതിരെ പഞ്ചാബ് പൊലീസ് കോടതിയെ സമീപിക്കുമെന്ന് സൂചന.
പരിശോധനയ്ക്ക് രക്ത,തലമുടി സാംമ്പിളുകള്‍ നല്‍കാന്‍ വിജേന്ദര്‍ വിസമ്മതിച്ച സാഹചര്യത്തിലാണ് പൊലീസ് കോടതിയെ സമീപിക്കുന്നത്. തിങ്കളാഴ്ച വിജേന്ദറിനെ പൊലീസ് ചോദ്യം ചെയ്തിരുന്നു.
മയക്കുമരുന്ന് ഇടപാടുകാരുമായി ബന്ധമുണ്ടെന്നു സമ്മതിച്ച വിജേന്ദറിന്റെ സുഹൃത്ത് ബോക്‌സര്‍ രാം സിംഗിനെ സ്‌പോര്‍ട്‌സ് അഥോറിട്ടി ഓഫ്‌ ഇന്ത്യ പാട്യാല ദേശീയ ക്യാമ്പില്‍നിന്ന്‌ ഒഴിവാക്കിയിരുന്നു.