ബഗാന് രണ്ടു കോടി രൂപ പിഴയായി നല്‍കണമെന്ന് അഖിലേന്ത്യ ഫുട്‌ബോള്‍ ഫെഡറേഷന്‍ പ്രസിഡന്റ്‌ പ്രഫുല്‍ പട്ടേല്‍ പറഞ്ഞു. ഈസ്‌റ്റ്‌ ബംഗാളിനെതിരേ നടന്ന ഐ ലീഗ്‌ മത്സരം പൂര്‍ത്തിയാക്കാതെ മടങ്ങിയതിനായിരുന്നു ബഗാനു രണ്ടു വര്‍ഷത്തേക്ക് വിലക്ക് ഏര്‍പ്പെടുത്തിയിരുന്നത്‌. തുടര്‍ന്നു കളിക്കാമെങ്കിലും ഇതുവരെയുണ്ടായിരുന്ന 12 പോയന്റും നഷ്‌ടമാകും.
ഇനി പൂജ്യം പോയിന്റില്‍നിന്നു വേണം ബഗാന് കളിച്ചു തുടങ്ങാന്‍. ബഗാന്റെ ഐ ലീഗിലെ പുതുക്കിയ മത്സരക്രമം വൈകാതെ പുറത്തിറക്കുമെന്ന്‌ ഐ ലീഗ്‌ സിഇഒ. സുനന്ദ ധാര്‍ പറഞ്ഞു.
ഐ ലീഗിന്റെ താല്‍പര്യം നിലനിര്‍ത്തിയാണു ബഗാന്റെ വിലക്ക് പിന്‍വലിച്ചതെന്ന്‌ അഖിലേന്ത്യ ഫുട്‌ബോള്‍ ഫെഡറേഷന്‍ വ്യക്‌തമാക്കി.
